Një person është gjetur i vdekur pas përmbytjeve në Zvicër

24.06.2024

Shërbimet e urgjencës gjetën një trup të pajetë dhe vazhduan kërkimin për dy persona të tjerë të zhdukur të dielën pas përmbytjeve dhe rrëshqitjeve të dheut në jug të Zvicrës, tha policia.

Një person është gjetur i vdekur pas përmbytjeve në Zvicër Foto: Ilustrim

Rreth 200 njerëz, dronë, helikopterë dhe qen shpëtimi u dërguan në përpjekje për shpëtim dhe pastrim pasi shirat e dendur të premten shkaktuan përmbytje në luginën Misox në kantonin Grisons, tha policia.

Tre persona ishin raportuar të zhdukur. Trupi i një personi u gjet në një lumë, u tha gazetarëve komandanti i policisë lokale, William Kloter, raporton Reuters.