Gazeta zvicerane “Blick” me detaje për tragjedinë e çiftit nga Kosova: R.B. vrau gruan e tij me 4 plumba, pastaj edhe veten

Viktimat janë identifikuar si R.B., 41 vjeç, dhe bashkëshortja e tij, 39 vjeçe, të dy me origjinë nga Kosova.

Sipas Cedric Aebischer, kreu i Njësisë së Krimit të Përgjithshëm dhe Policisë së Sigurisë, hetimet kanë zbuluar se burri ka vrarë gruan e tij me katër plumba dhe më pas ka kryer vetëvrasje me një plumb. Ngjarja ka ndodhur pasi burri ka shkuar në shtëpinë ku gruaja punonte si pastruese dhe është përballur me pronarin e pronës, i cili i ka kërkuar të largohet. Pas këtij incidenti, ai ka qëlluar bashkëshorten dhe më pas ka vrarë veten në katin e sipërm të shtëpisë.

Prokurori i Përgjithshëm, Fabien Gasser, ka zbuluar se burri kishte qenë i ndaluar për dhunë në familje nga 18 shtatori deri më 5 dhjetor 2024, para se të lirohej me kusht.

Hetimet për zjarrin janë ende në vazhdim, por dyshohet se autori i krimit mund t’i ketë vënë flakën shtëpisë. Megjithatë, autoritetet nuk përjashtojnë mundësi të tjera.

Kjo ngjarje tragjike ka tronditur komunitetin dhe ka ngritur shqetësime rreth dhunës në familje dhe nevojës për mbështetje për viktimat.