Numërohen 90% e votave, prin Lëvizja Vetëvendosje me 47.78%

Janë numëruar 90 për qind e vendvotimeve të përgjithshme në tërë territorin e Kosovës.

Nga numërimi i këtyre vendvotimeve, Lëvizja Vetëvendosje po prinë dukshëm me 47.78 për qind, apo mbi 335 mijë vota.

E dyta vazhdon të jetë Partia Demokratike e Kosovës, e cila deri tani ka marrë 17.30 për qind të votave, apo mbi 121 mijë vota.

E treta është Lidhja Demokratike e Kosovës, e cila ka 13.39 për qind apo pak mbi 93 mijë vota.

AAK është e partia e katër me 7.61 për qind apo mbi 53 mijë vota. Ndërsa, Nisma duket se nuk po e kalon pragun sipas votave të numëruara deri tani.