Nesër tërhiqet shorti për renditjen e partive politike në zgjedhjet e 14 shkurtit
Kanë mbetur edhe 2 javë ku qytetarët e Republikës së Kosovës do t’u drejtohen kutive të votimit, ku do ta kenë mundësinë që të votojnë të përzgjedhurit e tyre.
Komisioni Qendror i Zgjedhjeve nesër do të organizojë tërheqjen e shortit për renditjen e subjekteve politike në fletëvotimin e zgjedhjeve të 14 shkurtit.
Këtë e ka bërë të ditur, zëdhënësi i KQZ-së, Valmir Elezi përmes një komunikate për medie.
“Ju njoftoj se nesër (e hënë, 01 shkurt, ora 10:00) Komisioni Qendror i Zgjedhjeve organizon tërheqjen e shortit për renditjen e subjekteve politike në fletëvotimin e zgjedhjeve të parakohshme për Kuvendin e Republikës së Kosovës, të cilat do të mbahen më 14 shkurt 2021”, ka thënë ai.
