Vjedhje e Rëndë në Prizren, Hajdutët marrin stoli ari, para dhe armë

Sipas njoftimit të Policisë së Kosovës, viktima mashkull kosovar ka raportuar se hajdutët kanë hyrë në shtëpinë e tij dhe kanë marrë një sasi të konsiderueshme stolish ari, para të gatshme, si dhe një pistoletë me dy karikatorë dhe 17 fishekë, për të cilën viktima posedonte leje.

“Viktima mashkull kosovar, ka raportuar se person-a të dyshuar të panjohur me forcë kanë depërtuar në brendinë e shtëpisë së tij dhe nga aty kanë vjedhur: një sasi stoli ari, para të gatshme dhe një pistoletë me dy karikatorë dhe 17 copë fishekë për të cilën viktima posedon leje,” thuhet në njoftimin e policisë.

Policia e Kosovës ka njoftuar se menjëherë pas raportimit të rastit, kanë nisur hetimet për të identifikuar dhe arrestuar autorët e kësaj vjedhjeje të rëndë. Lidhur me rastin është njoftuar edhe prokurori, dhe rasti është në procedurë hetimore.

Autoritetet policore po punojnë intensivisht për të zbardhur rrethanat e kësaj ngjarjeje dhe për të sjellë para drejtësisë personat përgjegjës.