Xhiro e fundit në Superligë, delegohen gjyqtarët: Vëmendja në Klinë dhe Malishevë

23.05.2024

Është bërë delegimi i gjyqtarëve për xhiron e fundit të sezonit 2023/24 në Albi Mall Superligën e Kosovës në futboll.

Xhiro e fundit në Superligë, delegohen gjyqtarët: Vëmendja në Klinë dhe Malishevë Foto: Ilustrim

Të gjitha ndeshjet do të zhvillohen ditën e shtunë në të njëjtin orar me fillim nga ora 15:00.

Tanimë skuadra kampione është vendosur që është Ballkani, por edhe dy skuadrat që bien nga liga si Liria dhe Fushë Kosova.

E vetmja dilemë që ka mbetur është se cila skuadër do të mbetet në barazh, ku do të vendoset në xhiron e fundit mes Gjilanit dhe Feronikelit ’74.

Gjilani ka ndeshje shumë të vështirë pasi luan në udhëtim te Dukagjini i Klinës, derisa Feronikeli ’74 përballet me Fushë Kosovën tanimë të rënë.

Ballkani dhe Prishtina do të takohen në Suharekë, ndërsa Drita pret Malishevën në Gjilan.

Liria do të pres Llapin në Prizren, derisa të gjitha ndeshjet luhen ditën e shtunë me fillim nga ora 15:00.