Pse ndodh turbullimi i shikimit – arsyet shëndetësore

  • 28.05.2022
Pse ndodh turbullimi i shikimit – arsyet shëndetësore

Nëse jeni prekur nga turbullimi i syve, ndodh që mund t’ia vini fajin moshës ose të pranoni me pahir se keni nevojë për syze.

Megjithatë, turbullimi i syve është tregues i disa problemeve të tjera më të thella se aq.


Shkaqet e turbullimit të syve

Sytë janë të lodhur

Nëse keni kaluar shumë kohë përpara ekranit të kompjuterit ose televizorit, atëherë nuk po i kapsisni sytë aq sa duhet.

Sytë lodhen sepse me çdo kapsitje, syri lëngëzohet, lubrifikohet, pastrohet dhe gjallërohet.

Ekspertët këshillojnë të kujdeseni që të kapsisni apo pulisni qepallat herë pas here dhe bëni një pushim të shkurtër.

Vuani nga diabeti

Niveli i lartë i sheqerit shkakton enjtje të syve dhe rrjedhimisht vështirësi në shikim.

Njerëzit që vuajnë nga diabeti kanë shpesh probleme me sytë.

Inflamacioni i syrit

Turbullimi i syve ndodh edhe si pasojë e një inflamacioni të indeve të syve.

Inflamacioni mund të shfaqet nëse flini pa hequr lentet e syve, pa i pastruar ato, fërkimi i ashpër i syve, sëmundje të ndryshme, psoriaza dhe artriti.

Tensioni i ulët

Nëse turbullimi i shikimit shoqërohet nga një ndjenjë dobësie, atëherë duhet të jeni duke përjetuar rënie të tensionit të gjakut si pasojë e dehidratimit, problemeve të zemrës ose çrregullimeve hormonale.

Migrena

Sipas të dhënave, nisja e migrenës shoqërohet gjithnjë me turbullim të shikimit.

Në fakt, akoma pa nisur migrena mund t’ju duket sikur jeni duke parë nën ujë ose nëpërmjet një xhami të plasaritur.

Nëse kjo ndodh vetëm tek njëri sy, atëherë konsultohuni me një mjek.

Perdja e syrit

Perdja e syrit shfaqet dhe zhvillohet ngadalë pas moshës 55 vjeç.

Ngjyrat janë më të zbehura, shikimi në errësirë është më i vështirë dhe sytë janë më të ndjeshëm.

Perdja e syve mund të hiqet nëpërmjet ndërhyrjes kirurgjikale.

Plakja dhe turbullimi i shikimit 

Pas moshës 40 vjeçare, do të vini re se e keni më të vështirë të përqendroheni në gjërat më të thjeshta siç është leximi.

Sytë nuk janë më fleksibël si në rini, ndaj shpesh turbullimi konsiderohet si pjesë e plakjes.

Gërvishtja e korneas së syrit

Ky problem shoqërohet me ndjesinë e të paturit diçka në sy.

Gërvishtja e pjesës transparente së përparme të syrit mund të ndodhë si pasojë e pluhurit ose rërës.

Pastrojini sytë me ujë të bollshëm ose solucion të veçantë që e blini në farmaci.

Pulitini sytë disa herë që të prodhohen më shumë lotë, por mos i fërkoni sytë.

Sklerozë e shumëfishtë

Nëse nervi optik është i dëmtuar, atëherë sinjalet mes syve dhe trurit e kanë të vështirë të transmetohen.

Shumica e njerëzve që preken nga dëmtimi i nervit optik preken nga skleroza e shumëfishtë në harkun kohor të 15 viteve.

Ekspertët rekomandojnë të konsultoheni me mjekun nëse turbullimi i shikimin zgjat.

N'minuta
Suharekë, rruga e lagjes “Fan Noli” vërshohet nga mbeturinat, ankohen qytetarët
Suharekë, rruga e lagjes “Fan Noli” vërshohet nga mbeturinat, ankohen qytetarët
[FOTO] Vetura përplaset me ujkun në autostradën Prizren-Suharekë
[FOTO] Vetura përplaset me ujkun në autostradën Prizren-Suharekë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Ganimete Hoxha nga fshati Budakovë ka nevojë për ndihmën tuaj
Ganimete Hoxha nga fshati Budakovë ka nevojë për ndihmën tuaj
Suharekë, zjarrfikësit vazhdojnë të përballen me zjarre malore
Suharekë, zjarrfikësit vazhdojnë të përballen me zjarre malore
Ambient i pastër, “betonizohet” rruga në Zonën Industriale
Ambient i pastër, “betonizohet” rruga në Zonën Industriale
Zjarr mbi fshatin Sallagrazhdë
Zjarr mbi fshatin Sallagrazhdë
Kapen me marihuanë, arrestohen 4 të rinj në Suharekë
Kapen me marihuanë, arrestohen 4 të rinj në Suharekë
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, një person i lënduar rëndë
Aksident në autostradë në drejtimin Suharekë-Prizren, një person i lënduar rëndë