Ekzistojnë 13 vitamina thelbësore, të cilat klasifikohen në dy grupe: vitamina të tretshme në ujë (vitamina C dhe vitaminat e kompleksit B) dhe vitamina të tretshme në yndyrë (vitamina A, D, E dhe K)

Kur trupit i mungojnë vitaminat esenciale, kjo mund të çojë në probleme të ndryshme shëndetësore.

Disa prej pasojave më të zakonshme të mungesës së vitaminave janë këto:

Sistem i dobët imunitar: Vitamina C dhe vitamina D janë thelbësore për funksionimin e duhur të sistemit imunitar. Mungesa e këtyre vitaminave mund ta dobësojë atë, duke na bërë atë më të ndjeshëm ndaj infeksioneve dhe sëmundjeve.

Anemia: Hekuri dhe vitamina B12 janë thelbësore për formimin e qelizave të kuqe të gjakut. Mungesa e këtyre vitaminave mund të shkaktojë anemi, një gjendje në të cilën trupi nuk ka mjaftueshëm qeliza të kuqe të gjakut për të transportuar oksigjen në inde.

Shëndeti i dobët i kockave: Vitamina D dhe kalciumi janë thelbësore për zhvillimin dhe mirëmbajtjen e kockave të forta. Mungesa e tyre mund të çojë në osteoporozë, një gjendje në të cilën kockat bëhen të dobëta dhe të brishta.

Probleme me shikimin: Vitamina A është thelbësore për shikim të mirë. Mungesa e saj mund të sjellë probleme me shikimin.

Problemet e lëkurës: Vitamina E është e rëndësishme për një lëkurë të shëndetshme dhe plot shkëlqim.

Dëmtimi i nervave: Vitamina B12 dhe vitaminat e tjera të kompleksit B janë thelbësore për funksionimin e duhur të sistemit nervor. Mungesa e këtyre vitaminave mund të shkaktojë dëmtim nervor, duke çuar në mpirje, ndjesi shpimi gjilpërash dhe simptoma të tjera.

Shërimi i vonuar i plagëve: Vitamina C është thelbësore për formimin e kolagjenit, një proteinë që është e rëndësishme për shërimin e plagëve.

Dobësia e muskujve: Kaliumi dhe magnezi janë thelbësorë për funksionimin e duhur të muskujve.

Lodhja: Vitaminat B1, B2, B3 dhe B6 janë të rëndësishme për prodhimin e energjisë në trup. Mungesa e këtyre vitaminave mund të shkaktojë lodhje apo dobësi, citon Anabel.

Njerëzit nuk mund të marrin të gjithë vlerat ushqyese me dietën e tyre, kjo jo vetëm falë regjimit ushqimor, por edhe stilit të jetesës në përgjithësi. Prandaj, shpesh u drejtohemi suplementeve, për të përmbushur këto “boshllëqe” vlerash ushqyese.

Sidoqoftë asnjë suplement nuk zëvendëson ushqimin dhe një dietë të shëndetshme e të ekuilibruar.