Si ndikon kohëzgjatja e ditës në shëndetin tonë fizik dhe mendor

Ardhja zyrtare e vjeshtës, me ditë më të zymta e të shkurtra, ka një ndikim të fortë në shëndetin fizik dhe mendor të njeriut.

Të shumtë janë njerëzit që vërejnë ndryshime në shëndetin fizik në vjeshtë, siç janë: lodhja, problemet me gjumin, shtimi në peshë, luhatjet e tensionit dhe të kolesterolit.

Problemet Me Gjumin Gjatë Vjeshtës

Problemet me gjumin janë parathënia e një sërë shqetësimeve të tjera që ndodhin në organizëm si pasojë e vjeshtës.

Këto probleme jo vetëm që i hapin rrugën inflamacionit në trupi por edhe ndikojnë në aftësitë përpunuese të trurit, sepse një njeri që nuk fle sa dhe siç duhet, do të ketë një tru që e ka të vështirë të mësojë dhe të përpunojë informacione të reja.

Një njeri që nuk fle siç duhet ndihet më i rënduar emocionalisht, ka aftësi të ndërprera komunikuese, mungesë paqartësie e vëmendjeje dhe ka një shëndet mendor jo fort të mirë.

Studimet thonë se jetëgjatësia e njerëzve që flenë më pak se 7 orë gjumë në natë, shkurtohet me 8% si pasojë e mos-përmbushjes së nevojave të organizmit.

Njerëzit që kanë probleme me gjumin në vjeshtë, këshillohen të frenohen nga dëshira për të luftuar efektet e pagjumësisë duke pirë kafe gjatë ditës.

Sipas ekspertëve, në këtë stinë kafeja dhe alkoli duhen konsumuar me shumë kujdes gjatë ditës, në mos në sasi shumë të kufizuara.

Një problem tjetër që na mundon në vjeshtë është se kur temperaturat janë të ftohta njerëzit kalojnë më shumë kohë në shtëpi, duke ngrënë më shumë seç duhet, duke qëndruar më shumë ulur dhe duke mos lëvizur sa duhet.

Mbipesha Në Vjeshtë

Sipas mjekëve një ndër faktorët kryesorë që kërcënon jetën e të gjithë njerëzve sot është shtimi pa kontroll në peshë.

Kjo sepse dëmton shumë funksione të organizmit duke sforcuar edhe  organet e brendshme.

Disa nga sëmundjet më të përhapura si pasojë e mbipeshës janë:

  • Sëmundjet kardiovaskulare
  • Sëmundjet e kockave, artriti, osteoartriti
  • Tensioni i lartë i gjakut
  • Diabeti
  • Sëmundjet kancerogjene
  • Vështirësi në frymëmarrje

Gjendja emocionale është një faktor ndikues tek mbipesha, gjë që konfirmon praninë e një cikli të dëmshëm vicioz ndaj të cilit njeriu duhet të dijë si të mbrohet në vjeshtë.

RAPORTO