Në mungesë të inventarit nuk funksionalizohet një çerdhe në Prizren

15.10.2023 Regjioni

Çerdhja e re në lagjen “Bajram Curri” të Prizrenit e ndërtuar kohë më parë, ende nuk është hapur. Në këtë lagje me mbi 10 mijë banorë, shumica e nënave detyrohen të mos punojnë ndër të tjera edhe pse nuk kanë ku t’i lënë fëmijët .

Hapësira e çerdhes është 2 mijë metra katror vetëm si objekt ndërsa çdo klasë do të ketë daljen e saj në oborr, ku do të vendoset këndi i lojërave.

Fjala e fundit e teknologjisë zbarkon në Fabrikën e Mobileve “TE NASERI”

“Për momentin si staf , jemi vetëm unë dhe stafi teknik , stafi i edukatoreve është në proces e sipër , presim që sa më shpejt të fillojmë . Regjistrimi i fëmijëve do të jetë nga 3 deri në moshën 6 vjeç, ku për këto grupmosha kapaciteti do të jetë 100 deri në 120 fëmijë, ndërsa kur të vjen momenti me fillu me kapacitet të plotë do të jenë dikun 250 fëmijë . Konkursi është për 26 edukatore “, tha Driton Susuri – Drejtor i Çerdhes i Lagjjes “Bajram Curr”.

Ka një vit e gjysmë që po pritet që Ministria e Arsimit të bëjë inventarizimin e çerdhes, ndërsa komuna është në proces të rekrutimit të stafit.

“Qe një vjet e gjysmë jemi duke e prit inventarin, që të na furnizojnë nga ministria e arsimit, sa për informacion unë kam komunikuar në vazhdimësi qoftë me e-maila zyrtarë apo në linja të tjera me ministrinë e arsimit, dhe projekti i inventarizimit të çerdheve në nivel vendi është në OSHP. Sapo të përfundojë procesi në si komunë jemi të gatshëm ta funksionalizojmë”, tha për RTK Luljeta Veselaj Gutra, drejtoresh e arsimit në Prizren.

Për shkak të hapësirës së madhe , organizimi i objektit është bërë në disa kulla, përfshirë stafin, kuzhinën dhe nyjat sanitare. Po ashtu edhe pjesa e jashtme e çerdhes është gati dhe pret furnizimin dhe montimin e pjesës kreative të çerdhes së lagjes “Bajram Curri” në Prizren

#Prizren

Sigurimi Internacional

Ofertë speciale

Arrestohet prizrenasi, u gjend nga policia duke paketuar substanca narkotike

Policia e Kosovës ka njoftuar se ka arrestuar një person në Prizren, pasi i njëjti u gjend duke paketuar substanca narkotike.

Policia kishte shkuar në shtëpinë e tij në lidhje më një raportim për dhune në familje.

Pse të shkojmë tek mjeku kur ndihemi mirë?!

Të dyshuari gjatë kontrollit i gjetur marihuanë me peshë 56.19 gram, qese plastike si dhe një peshore digjitale.

“Është arrestuar i dyshuari mashkull kosovar pasi që policia kishte shkuar te shtëpia e të dyshuarit për një raportimin të dhunës në familje, kishte hasur në të dyshuarin duke paketuar substancë që dyshohet të jetë narkotike e llojit marihuanë. Me urdhëresë te prokurorit kujdestar dhe në prezencën e prindërve të dyshuarit është bërë kontroll në shtëpi dhe gjatë kontrollit në dhomën e të dyshuarit janë gjetur dhe konfiskuar qese plastike të mbushura me substancë të dyshuar narkotike të llojit marihuanë me peshë 56.10 gram, tridhjetë e pesë qese plastike të zbrazëta, një peshore digjitale. Me vendim të prokurorit kujdestar, i dyshuari është ndaluar në qendrën e mbajtjes për 48 orë”, thuhet në njoftimin e PK-së.

Gjendet i vdekur një person në një market në Prizren (Video)

Një person është gjetur i vdekur mëngjesin e sotëm në një market në Prizren.

Lexuesit kanë dërguar pamje nga vendi i ngjarjes ku shihet ekipi mjekësor dhe zyrtarët policor.

Sukses pas suksesi! ISEFERI sjellë inovacion për tërë Europën, kubëzat ndriçuese prodhohen në Suharekë

Mjekët kanë konstatuar vdekjen e personit, mashkull 74-vjeç dhe sipas hetimeve të para vdekja e tij ka qenë natyrore.,

Rastin e ka konfirmuar për IndeksOnline edhe zëdhënësi i policisë për rajonin e Prizrenit, Vesel Gashi.

“Rreth orës 09:00 kemi pranuar një informacion nga një qytetar se një personi i është përkeqësuar gjendja shëndetësore në rrugën “Rrustë Kabashi”. Menjëherë në vendin e ngjarjes ka dalë policia dhe urgjenca, ku këta të fundit kanë konstatuar se personi, mashkull i moshës 74-vjeç ka vdekur”, ka thënë Gashi.

Vdekja e 74-vjeçarit sipas policisë ishte natyrore.

E rëndë: Gjendet pa shenja jete një foshnjë e porsalindur në Prizren

Një ngjarje e rëndë ka ndodhur sot në qytetin e Prizrenit, ku një foshnjë e porsalindur është gjetur pa shenja jete, në afërsi të Parkut të Qytetit.

Rastin e ka konfirmuar zëdhënësi i Policisë së Kosovës për Rajonin e Prizrenit, Vesel Gashi, i cili tha se trupi i pajetë është gjetur në afërsi të Parkut të Qytetit.

Sukses pas suksesi! ISEFERI sjellë inovacion për tërë Europën, kubëzat ndriçuese prodhohen në Suharekë

“Policia në Prizren ka pranuar një informatë se në afërsi të Parkut të Qytetit, nga një dëshmitar okular, gjendet një trup i pajetë që bëhet fjalë një foshnjë. Reagimi policor ka qenë i menjëhershëm, njësitë relevante kanë dalë në vendin e ngjarjes. Është njoftuar Prokurori i Shtetit dhe me urdhër të tij trupi i pajetë është dërguar në IML për obduksion. Po ashtu në vendin e ngjarjes ka dalë edhe ekipi i Emergjencës ku mjeku ka konstatuar vdekjen e foshnjës. Me këtë rast po merrren hetimet rajonale dhe po trajtohet si ‘Vrasje e foshnjës së porsalindur’, në konsultim me Prokurorin e Shtetit kështu do të fillojnë hetimet dhe po trajtohet si rast i kësaj natyre”, tha Gashi.