Vdiq 19 vjeqari nga një aksident i rëndë

  • 03.04.2019, 8:45

Një aksident i rëndë ka ndodhur mbrëmë në fshatin Drobesh të Vitisë, ku si pasojë e këtij aksidenti ka vdekur një 19 vjeçar.

N.Misini, është i riu që ka vdekur derisa ishte duke e drejtuar motoçikletën e tij.

Një veturë në fshatin Dobresh të Vitisë e ka goditur 19 vjeçarin afër vendkalimit të këmbësorëve duke i lënë të vdekur në vendin e ngjarjes.

“Policia e Kosovës është njoftuar për një aksident trafiku që ka ndodhë mbramë me 02 prill 2019 rreth orës 21:00”, konfirmoi Zëdhënësi i Policisë për rajonin e Gjilanit, Ismet Hashani.

“Nga hetimet e para ne vendin e ngjarjes dyshohet se Automjet Opel Combo me tabela 06 drejtuar nga vozitësi shqiptar shtetas i Kosovës duke lëvizur ne relacionin Smir-Viti, me te arritur te rruga e fshatit Drobesh duke mos përshtatur shpejtësinë e automjetit afër vendkalimit te këmbësorëve godet “Motoçikletën” MBK Roller drejtuar nga vozitësi po ashtu shqiptar shtetas i Kosovës i moshës rreth nëntmdhet vjeç”.

“Me këtë rast nga lëndimet si pasoj e goditjes Motoçiklisti ndërron jetë ne vendin e ngjarjes, këtë e konstaton Mjeku Kujdestar i Qendrës se Mjekësisë Familjare ne Viti. Ne vendin e ngjarjes ka dalë Prokurori i shtetit i cili ka urdhëruar qe drejtuesi i Mjetit të ndalet për 48 ore, kurse trupi i pa jete i viktimës dërgohet ne IML ne Prishtinë. Njësitet e trafikut rajonal janë duke i hetuar shkaqet e këtij aksidenti të rëndë”, ka thënë Hashani.

Policia e Kosovës po merret me zbardhjen e rastit, ndërsa i dyshuari është arrestuar dhe u ndalua për 48 orë, raporton GazetaMetro.

Të tjera