Të hënën policia ka dënuar afër 600 qytetar në bazë të ligjit anti-COVID

Numri i të infektuarve me COVID-19 ditëve të fundit ka shënuar ngrijte më të theksuar duke e krahasuar me ditët e para të këtij viti.

Si në shumë vende tjera të botës edhe në Kosovë bartja e maskës, mbajtja e distancës dhe higjienës personale janë obligative.

Gjatë ditës së hënë Policia e Kosovës ka dënuar 592 qytetar të cilët nuk e kanë respektuar ligjin anti-COVID, ligj ky i cili ka hyrë në fuqi në gusht të vitit të kaluar.

Ndryshe, Ligji për Pandeminë ka 29 nene, ndërsa rregullon çështjen e parandalimit, menaxhimit dhe kontrollit të pandemisë COVID-19. Në nenin 24 pika 5 të këtij Ligji, të gjithë ata të cilët nuk mbajnë maskë do të dënohen me 35 euro. 

Rikujtojmë se gjatë ditës së hënë në Kosovë janë identifikuar 311 raste pozitive me COVID-19 dhe janë regjistruar 10 viktima.