Suharekë: Hajnat i hyjnë në shtëpi dhe vjedhin stoli ari e një TV

Policia e Kosovës në raportin 24 orësh ka bërë të ditur se ka ndodhur një vjedhje në fshatin Dragaqinë të Suharekës.

Sipas këtij raportit nga Policia, ankuesi mashkull ka informuar se persona të pa njohur kanë depërtuar me forcë në shtëpinë e tij.

Rasti ka ndodhur dje më 03.04.2020 rreth orës 16:35.

Po ashtu sipas PK-së të njëjtit kanë arritur që të vjedhin stoli ari dhe një TV.

Ndërsa Policia ka bërë të ditur se rasti është duke u hetuar.

“Fsh. Dragaqinë, Suharekë 03.04.2020 – 16:35. Ankuesi mashkull kosovar ka informuar se persona të pa njohur kanë depërtuar me forcë në shtëpinë e tij dhe kanë vjedhur stoli ari dhe një TV. Rasti është duke u hetuar”, thuhet në raport.