Policia po vazhdon patrullimet për respektim të masave anti-COVID

Policia e Kosovës edhe në mbrëmjen e kaluar ka vazhduar patrullimet në pjesë të ndryshme të vendit në kuadër të planit operativ për respektim të masave anti-COVID.

Policia e Kosovës ka vlersuar se çdo aktivitet në parandalim të përhapjes së pandemisë COVID-19, bëhet duke respektuar masat e ndërmarra nga institucionet e vendit në këtë drejtim.

Duke vlerësuar se respektimi i masave, ndihmon në parandalim të përhapjes së pandemisë, aktivitetet policore në këtë drejtim janë të vazhdueshme në çdo kohë (24/7) dhe të shtrira në tërë territorin e vendit.