30.10.2019, 16:02

I caktohet masa e paraburgimit të dyshuarit nga Suhareka për veprën frikësimi gjatë procedurës penale

Gjykata Themelore e Prizrenit, Departamenti i Krimeve të Rënda, duke vendosur sipas kërkesës së Prokurorisë Themelore të Prizrenit, ka caktuar masën e paraburgimit në kohëzgjatje prej 30 (tridhjetë) dite, ndaj të pandehurit me iniciale B.SH., nga Suhareka, për shkak të dyshimit të bazuar se ka kryer veprën penale frikësimi gjatë procedurës penale nga neni 387 të KPRK-së.

Masa e paraburgimit të personit në fjalë do të llogaritet prej datës së arrestimit, 28.10.2019, dhe do të zgjasë deri më datën 27.11.2019.

Për shkak të dyshimit të arsyeshëm se duke përdorur kanosjen serioze apo mënyrat tjera të detyrimit ka nxitur-ndikuar te personat tjerë që të mos japin informacione të vërteta pranë organeve policore, prokurorit apo gjyqtarit, kur këto informacione ndërlidhen me pengimin e procedurës penale, në atë mënyrë që prej datës 24.10.2019 e deri me datën 28.10.2019, në Komunën e Suharekës, ka shkuar te të dëmtuarit-dëshmitarët me iniciale M.K.; S.G. ; B.K. ; G.K. ; SH.M. ,dhe K.K. , të cilëve u ka thënë që para policisë të mos dëshmojnë për të dyshuarin – vëllain e tij me iniciale F.SH. dhe të dyshuarit tjerë me iniciale A,L dhe F.B. se po merren me fajde, kurse a do të argumentohen këto fakte, do të vlerësohet në fazat e mëtejme të procedurës penale.

LEXO EDHE:  Biletat për ndeshjen Kosovë - Angli, prokuroria po heton procesin e shitjes
© SuharekaOnline. Të gjitha të drejtat janë të rezervuara.