Herolind Bytyçi
08.04.2019, 8:41

Për 24 orë, 25 aksidente, 10 të arrestuar

Gjatë 24 orëve të fundit në vendin tonë kanë ndodhur gjithsejtë 25 aksidente, prej tyre 12 me të lënduar dhe 13 me dëme materiale.

Përgjatë këtyre orëve, Policia e Kosovës ka shqiptuar gjithsej 1 mijë e 52 tiketa trafiku dhe dhjetë persona janë arrestuar në 24 orëshin e fundit në vend.

Nëntë nga të arrestuarit janë dërguar në mbajtje e asnjë prej tyre në vuajtje të dënimit.

Arrestimi i personave në fjalë ka të bëjë me vepra të ndryshme të identifikuara nga Policia e Kosovës.