Nuk respektuan masat antiCOVID, Policia dënon 61 qytetarë

Policia e Kosovës edhe gjatë ditës së djeshme ka vazhduar me ndëshkimin e të gjithë atyre që nuk respektuan masat anti-COVID.

Një gjë e tillë po bëhet e ditur nga raportet e Policisë së Kosovës, ku sipas raportit të fundit bëhet e ditur se numri i gjobave në bazë të ligjit anti-COVID është zvogëluar, duke e krahasuar me ditët tjera të kësaj jave.

Gjatë ditës së mërkurë Policia e Kosovës ka dënuar 61 qytetarë të cilët nuk i kanë respektuar masat kundër COVID-19, shkruan SuharekaOnline.

Policia e Kosovës që nga muaji gusht i vitit të kaluar është duke shqiptuar gjoba në bazë të ligjit anti-COVID, ligj ky i cili ka për qëllim parandalimin e përhapjës së infeksionit me COVID-19 dhe menaxhimin e situatës.

Ndryshe, gjatë ditës së mërkurë janë konfirmuar 21 raste pozitive me COVID-19 dhe është regjistruar një viktimë nga ky virus.