Raportime

Moti i ligë dëmton objektet dhe disa qendra tregtare në Suharekë

Vala e të nxehtit e cila kishte përfshirë vendin tonë tash e sa ditë duket se ka marrë fund pasditen e sotme  (e mërkurë 14 gusht).

Në shumicën e komunave të Kosovës ka filluar të ketë reshje shiu, shkarkime rrufesh si dhe në disa vende raportohet të ketë edhe erë më të fortë.

E siç duket erërat e forta kanë shkaktuar dëme në furnizim me energji elektrike në disa qytete të Kosovës përfshi këtu edhe disa fshatra të Komunës së Suharekës.

Një lexues ka dërguar në redaksi fotografi të objektit afaristo banesor në rrugën Brigada 123, përballë ish-Rozafës ku shihet se erërat e forta kanë thyer xhamat e një pjese të objektit si dhe kanë dëmtuar izolimin e brendshëm. Sipas raportimeve bëhet e ditur se në vendin e ngjarjes kanë dalë njësitë e policisë së Kosovës.

Njëkohësisht bëhet e ditur edhe disa qendra tregtare në qytet kanë pësuar dëme nga vërshimet e shkaktuara nga intensiteti i madh i shiut dhe erërat e forta. Deri më tani është konfirmuar se ETC ka pësuar nga moti i ligë dhe një që gjendet në rrugën Winston Churchill.

© SuharekaOnline. Të gjitha të drejtat janë të rezervuara.