Gjendet i vdekur një person në një motel
Një person është gjetur pa shenja jete dje në mesditë në një motel në Prizren. Lajmin është bërë i ditur në raportin ditor të policisë së Kosovës për 24 orët e fundit. Siç thuhet në raport, vdekjen e tij e ka konstatuar ekipi mjekësor që ka dalë në vendin e ngjarjes. Në vendngjarje kanë dalë edhe […]
Një person është gjetur pa shenja jete dje në mesditë në një motel në Prizren.
Lajmin është bërë i ditur në raportin ditor të policisë së Kosovës për 24 orët e fundit.
Siç thuhet në raport, vdekjen e tij e ka konstatuar ekipi mjekësor që ka dalë në vendin e ngjarjes.
Në vendngjarje kanë dalë edhe prokurori kujdestar dhe njësitet e hetuesisë, si dhe forenzika. Trupi i pajetë, me vendim të prokurorit, është dërguar për obduksion në Institutin e Mjekësisë Ligjore në Prishtinë”, thuhet tutje në raport.
Zëdhënësi i policisë për rajonin e Prizrenit, Shaban Osmanollaj, tha për Sinjalin se tani i ndjeri kishte shkuar në motel i shoqëruar nga një vajzë.
“Në momentin kur ka shkuar emergjenca ka qenë vetëm, por më herët ka qenë në shoqërinë e një vajze”, tha ai.
Osmanollaj tha se nga hetimet e para nuk ka ndonjë dyshim se ndaj 64-vjeçarit është përdorur dhunë ose diçka e tillë.
Për të zbuluar shkakun e vërtetë të vdekjes së tij, prokurori ka urdhëruar që trupi i të moshuarit të dërgohet për obduksion në Institutin e Mjekësisë Ligjore në Prishtinë.