02.09.2019, 21:20

Afro 100 persona janë arrestuar në vitin 2019 për shkak se sulmuan prindërit e tyre

Një fenomen mjaft i përhapur në Kosovë vazhdon të jetë dhuna në familje.

Dhunë në familje konsiderohet çdo shkelje e të drejtës së gruas, burrit dhe fëmijëve nga persona që janë pjesëtarë të familjes. 

Mirëpo së fundi, fenomen i përhapur në vend së paku duke u bazuar nga raportimet e Policisë së Kosovës, janë dhuna në familje ku, fëmijët kanë sulmuar prindërit.

Pothuajse çdo javë është ndonjë rast i raportuar, ku fëmija ka sulmuar prindin.

Indeksonline ka kontaktuar Policinë e Kosovës, lidhur me këtë çështje ku sipas policisë, vetëm përgjatë gjashtë mujorit të vitit 2019 janë 162 raste të dhunës në familje, pra ku fëmija ka sulmuar prindin.

LEXO EDHE:  Prokuroria ngriti 63 aktakuza për 24 orë

“Për gjashtëmujorin e parë të vitit 2019 janë gjithsej 162 raste të tillë”, thonë autoritetet e rendit.

Ndërkaq, numri i personave të arrestuar lidhur më këtë çështje, është dukshëm më i madh se sa ai i vitit të kaluar. Gjatë këtij viti janë arrestuar 98 persona ndërsa, vitin e kaluar 11 prej tyre.

Kurse, raste të tilla vitin e kaluar kanë qenë 199 gjithsej.

Ndryshe, Policia e Kosovës tregon se në gjashtë mujorin e parë të vitit 2019 janë raportuar gjithsej 785 raste të dhunës në familje, ku pesë raste kanë përfunduar me vrasje.

© SuharekaOnline. Të gjitha të drejtat janë të rezervuara.