16.07.2019, 14:52

Kryeministri Haradinaj viziton fabrikën e këpucëve “SOLID”

Gjatë vizitës së punës në Komunën e Suharekës, Kryeministri i Kosovës, Ramush Haradinaj ka vizituar edhe fabrikën e këpucëve “SOLID”.

Kryeministri i Republikës së Kosovës, Ramush Haradinaj sot ka vizituar fabrikën “SOLID”, në Suharekë, e cila merret me prodhimin e këpucëve.

Kryeministri Haradinaj ka premtuar se Qeveria jonë do të jetë partner i përkushtuar në përpjekjet e bizneseve që ato të rriten dhe të zhvillohen më tutje.

Haradinaj ka parë nga afër punën në repartet prodhuese të fabrikës, ku është njoftuar me ecurinë e punëve në fabrikë, sfidat dhe sukseset e saj.

N.T.P.SH “HALITI” gjiganti i ndërtimit në Suharekë

Të investosh në të ardhmen është gjëja më e duhur që çdo person do duhej ta ketë parasysh në secilin hap të jetës. E ardhmja është edhe më e sigurt nëse zgjedh rrugën dhe partnerin e duhur!

Impresionues fakti që kompania “SOLID”, ka një qarkullim vjetor prej 3.2 milionë euro dhe 249 punëtorë.

LEXO EDHE:  Vitet kur Suhareka kishte 7 deputet në Kuvendin e Kosovës

Haradinaj është befasuar jashtëzakonisht për të mirë, pasi ka vizituar një kompani ndërkombëtare për faktin që produktet i plason në tregjet e shumë shteteve të Evropës.

Kryeministri Haradinaj, falënderoi fabrikën “SOLID” për vlerën e saj, që është prodhimi, ekonomia, duke i përgëzuar po ashtu për një punë të mrekullueshme.

I pranishëm ishte edhe kryetari i Komunës së Suharekës, Bali Muharremaj i cili tha se kompanitë e kësaj komune do ta kenë çdo herë mbështetjen e qeverisë komunale.

“Me 164 biznese prodhuese, 2497 biznese aktive, Suhareka ka potencial zhvillimi dhe përkrahja e Qeverisë në mbështetje të zhvillimit të qëndrueshëm të kësaj komune nuk do të mungojë asnjëherë”, ka thënë Kryeministri i Kosovës, Ramush Haradinaj./SuharekaOnline/

/SuharekaOnline/