11.10.2019, 10:30

E turpshme: Qytetarët dëmtojnë punimet në parkun e Sallagrazhdës

Punimet janë duke vazhduar në parkun e ri të fshatit Sallagrazhdë, në komunën e Suharekës.

Por qytetarët e kësaj ane ende pa u përfunduar parku e kanë dëmtuar atë.

Në fotografi shihet se dikush ka kaluar me veturë në pjesën që është dedikur për gjelbërim.

Kryetari i Suharekës, Bali Muharremaj, në një postim i ka ftuar Policinë e Kosoëes që të marrin masa për këta përsona.

“Persona të pandërgjegjshëm natën i kanë dëmtuar punimet, që po bëhen në parkun e ri i cili po ndërtohet në Sallagrazhdë.

I ftoj Policinë e Kosovës që të marrin masa në zbardhjen e rastit dhe të veprojnë sipas ligjit”, ka shkruar ai.

Postimi i plotë i Muharremajt:

Kjo është e patolerueshme.
Persona të pandërgjegjshëm natën i kanë dëmtuar punimet, që po bëhen në parkun e ri i cili po ndërtohet në Sallagrazhdë.

LEXO EDHE:  Suharekë: Drejtoria për Bujqësi, Zhvillim Rural dhe Pylltari shpërndanë pajisje bujqësore për fermerë

I ftoj Policinë e Kosovës që të marrin masa në zbardhjen e rastit dhe të veprojnë sipas ligjit.

Ky park do të rregullohet dhe bashkë me qytetarët do ta mbrojmë atë.

Prona publike mbrohet me ligj dhe askush nuk ka të drejtë ta cënoj apo dëmtoj atë.

Vullnetin për punë dhe angazhimin për ta zhvilluar komunën, nuk ka të drejtë askush ta ndalë dhe nuk do ta lejojmë.

Këtë park pasi të ndërtohet dhe i cili do të përurohet shumë shpejt, do ta gëzojnë qytetarët dhe brezat e ardhshëm.

© SuharekaOnline. Të gjitha të drejtat janë të rezervuara.