Policia e Kosovës i arreston katër të dyshuar për trafikim me emigrantë
Katër persona janë arrestuar të dielën nën dyshimin për trafikim me emigrantë. Të dyshuarit, shtetas kosovarë, u kapën në Mitrovicë të Jugut nga Policia duke transportuar pesë shtetas të Jemenit, të cilët kishin për synim t’i dërgonin drejt vendeve të Bashkimit Evropian.
Foto: Ilustrim
Policia theksoi se ka bastisur një shtëpi dhe automjete, si dhe ka sekuestruar të holla dhe automjete.
“Gjatë kontrollit të shtëpisë dhe automjeteve janë gjetur dhe sekuestruar: 6280 €, 7300 lek shqiptare, 140 CHF zvicerane, dhe 4 automjete”, thuhet në njoftim.
Sipas Policisë, të arrestuarit janë dërguar në mbajtje, pa dhënë më shumë informacione.
Prej vitit 2015, shtetet e Ballkanit Perëndimor janë shndërruar në qendër transiti për personat që ikin nga Lindja e Mesme dhe Afrika dhe që synojnë të arrijnë në shtetet e Bashkimit Evropian.
Kosova ka qendra për pranimin e emigrantëve, por shumica e tyre e përdorin këtë shtet vetëm si transit për në BE.
Edhe në të kaluarën, Policia e Kosovës ka arrestuar të dyshuar për trafikim me emigrantë.
Dogana parandalon futjen në treg të mbi 3 mijë paketimeve me mallra me afat të skaduar
Ligji para 19 ore
Vjedhje në shtëpinë e familjes Bakiq në Prizren, pronari raporton se hajnat ia vodhën 30 mijë € që i fshehu
Policia para 1 dite
