Rastet e dhunës në familje kanë marrë përmasa shqetësuese në vendin tonë dhe janë bërë sfiduese për institucionet e vendit.

Një gjë e tillë po bëhet e ditur nga raportet e Policisë së Kosovës dërguar mediave.

Për një rast të tillë SuharekaOnline kishte raportuar gjatë ditës së mërkurë, ku sipas raportit të policisë bëhej e ditur se një person i dyshuar kishte ushtruar dhunë ndaj babait të tij dhe familjarëve të tjerë.

Poashtu, Policia e Kosovës në Suharekë kishte njoftuar se i dyshuari për këtë vepër gjendej ende në arrati.

Një ditë pas raportimit të rastit në polici nga babai i të dyshuarit, Policia e Suharekës ka arritur që të identifikoj dhe arrestoj të dyshuarin.

Poashtu, nga policia bëjnë të ditur se për rastin në fjalë është njoftuar edhe prokurori i shtetit ku me vendim të tij i dyshuari është dërguar në mbajtje.