Policia e Kosovës çdo ditë përballet me raste të ndryshme të cilat raportohen nga qytetarët, e ku në shumicën e rasteve ata përballen edhe me të dyshuarit të cilët kryejnë vepra të ndryshme penale.

Gjatë ditës së premte Policia e Kosovës bën të ditur se ka arrestuar 26 persona, shkruan SuharekaOnline.

Poashtu, në 24 orëshin e fundit policia njofton se 17 persona të dyshuar janë dërguar në mbajtje, ndërsa 3 të tjetër në vuajtje të dënimit.

Raporti i policisë përmbanë edhe arsyet e arrestimeve të personave të dyshuar për vepra të ndryshme penale.

Ku sipas raportit bëhet e ditur se një person është arrestuar nën dyshimin se i njëjti kishte vjedhur stoli ari në një shtëpi në Suharekë në rrugën “Xhelal Kuqi”.

“Rr. Xhelal Kuqi, Suharekë 28.01.2023 – 19:00. Me datë 10.03.2023 është arrestuar i dyshuari mashkull kosovar, nën dyshimin se i njëjti me datën e cekur, pasi ka depërtuar me forcë në shtëpinë e viktimës mashkull kosovar, nga aty ka vjedhur stoli ari. Me vendim të prokurorit, i dyshuari pas intervistimit është dërguar në mbajtje.” thuhet në njoftimin e policisë.