Persona të panjohur sulmojnë fizikisht një femër, viktima dërgohet për tretman mjekësor

Sulmet e ndryshme, qofshin ato seksuale apo fizike ndaj femrave në vendin tonë kohëve të fundit janë shtuar. Një gjë e tillë po bëhet e ditur nga raporti policor dërguar mediave.

Një rast i sulmit fizik është raportuar dje në Policinë e Prizrenit, raporton SuharekaOnline.

Policia e Kosovës në Prizren ka bërë të ditur se një femër ka raportuar se është sulmuar fizikisht nga persona të panjohur për të.

Sipas policisë thuhet se viktima ka pësuar lëndime të rënda trupore dhe është dërguar për tretman mjekësor.

Policia poashtu, ka bërë të ditur se rasti në fjalë është duke u hetuar.

“Rr. Bujtinave, Prizren 07.03.2023-11:20. Ankuesja femër kosovare ka njoftuar se  viktima mashkull kosovar ishte sulmuar fizikisht nga persona të panjohur. Viktima ka pësuar lëndime të rënda trupore dhe është dërguar në tretman mjekësor. Rasti nën hetime.” thuhet në raportin e policisë.