Në gjendje të dehur hyri në një lokal në Shatërvan dhe u drejtoi thikën klientëve, arrestohet i dyshuari

New Born Master

Kualifikohu për KODIN 95 në Maribor-Slloveni për kategorinë C, CE, D!

Të shtunën është arrestuar një person i dyshuar në Prizren.

Policia e Kosovës në Prizren ka njoftuar se ka arrestuar një person të dyshuar pasi që i njëjti dyshohet se ka tentuar të shkaktoj rrezik të përgjithshëm, raporton SuharekaOnline.

Sipas policisë thuhet se i dyshuari në gjendje të dehur ka hyrë në një lokal në Shatërvan në Prizren dhe në duar kishte një thikë të cilën e kishte drejtuar nga klientët.

Poashtu, policia bën të ditur se tek i dyshuari është gjetur dhe konfiskuar thika, 0.7 gram substancë narkotike e cila dyshohet të jetë e llojit marihuanë dhe grinder.

Për rastin në fjalë është njoftuar edhe prokurori i shtetit, ku me vendim të tij i dyshuari është dërguar në mbajtje.

“Sheshi Shatërvan, Prizren 22.07.2023 – 17:30. Është arrestuar i dyshuari mashkull kosovar pasi që, në gjendje të dehur me një thikë në dorë ka hyrë në një lokal dhe ka drejtuar thikën në drejtim të klientëve. Gjatë kontrollit tek i dyshuari është gjetur dhe konfiskuar thika, 0.7 gram substancë narkotike të llojit marihuanë dhe një grinder. Me vendim të prokurorit i dyshuari është dërguar në mbajtje.” thuhet në njoftimin e policisë.