Me kërkesë të autoriteteve italiane, arrestohet një person në Aeroportin “Adem Jashari”
28.09.2025
Një person është arrestuar ditën e djeshme në Aeroportin Ndërkombëtar të Prishtinës “Adem Jashari”, bazuar në një urdhër-arrest ndërkombëtar të lëshuar nga autoritetet italiane.
Foto: Ilustrim
Sipas njoftimit zyrtar, rasti është regjistruar më 27 shtator 2025, rreth orës 09:54. Policia e Kosovës ka konfirmuar se personi i dyshuar, mashkull/kosovar, është ndaluar në përputhje me kërkesën e autoriteteve policore italiane.
Me vendim të prokurorit kompetent, i arrestuari është dërguar në mbajtje, ndërsa procedurat e mëtejme ligjore do të vazhdojnë në koordinim me institucionet përkatëse.
