Policia e Kosovës çdo ditë përballet me raste të ndryshme të cilat raportohen nga qytetarët, e ku në shumicën e rasteve ata përballen edhe me të dyshuarit të cilët kryejnë vepra të ndryshme penale.

Gjatë ditës së enjte Policia e Kosovës bën të ditur se ka arrestuar 26 persona, shkruan SuharekaOnline.

Poashtu, në 24 orëshin e fundit policia njofton se 15 persona të dyshuar janë dërguar në mbajtje, ndërsa 9 të tjetër në vuajtje të dënimit.

Raporti i policisë përmbanë edhe arsyet e arrestimeve të personave të dyshuar për vepra të ndryshme penale.

Policia e Kosovës në Suharekë ka njoftuar se ka arrestuar një person të dyshuar i cili nga pakujdesia dhe mospërshtatja e shpejtësisë, derisa ishte duke drejtuar veturën e tij ka goditur 4 këmbësor, 3 meshkuj dhe një femër të cilët si pasojë kanë përfunduar në spital.

Sipas burimeve bëhet e ditur se aksidenti ka ndodhur në rrugën “Brigada123” në Suharekë afër Viva Fresh.

“Rr. Brigada 123, Suharekë 12.01.2023-18:40. Është arrestuar i dyshuari mashkull kosovar pasi që i njëjti duke drejtuar automjetin dyshohet se nga pakujdesia ka goditur katër këmbësor tre meshkuj dhe nj femër të cilëve u ka shkaktuar lëndime trupore. Viktimat  janë dërguar për tretman mjekësor. Me vendim të prokurorit  i dyshuari është dërguar në mbajtje.” thuhet në raportin e policisë.

Poashtu, Policia e Kosovës ka njoftuar se ka arrestuar dy të dyshuar për dhunë në familje në Prizren.

“Prizren 12.01.2023-17;50. Është arrestuar i dyshuari mashkull kosovar nën dyshimi se i njëjti pas një mosmarrëveshje, e ka sulmuar fizikisht viktimën femër kosovare. I dyshuari me vendim të prokurorit është ndërguar në mbajtje.” thuhet në njoftim.

“Prizren 11.01.2023-08:15.  Është arrestuar i dyshuar mashkull kosovar nën dyshimin se i njëjti pas një mosmarrëveshje ka shkaktuar dhunë ndaj viktimës femër kosovare. I dyshuari pas intervistimit me vendim të prokurorit është dërguar në mbajtje.” thuhet tutje në njoftimin e policisë.