Webfaqja e Komunës së Suharekës dhe komunave të tjera janë tërësisht jashtë funksionit

Përkundër problemeve të vazhdueshme me muaj të tërë, në ditët e fundit funksionimi i webfaqeve të Komunave është tërësisht jashtë funksionit.

Komunat e Republikës së Kosovës, ende janë duke u ballafaquar me probleme në fushën e teknologjisë informative, mosfunksionimin e web faqeve të Komunave dhe kjo po vështirëson punën në kryerjen e detyrave të përditshme. 

Kështu problemet me webfaqe në Komuna po kanë efekt edhe në afate ligjore të Komunave në shume procese, pastaj qytetarët po ankohen për mungesë transparencë dhe kështu ky problem është bërë pengesë e jashtëzakonshme në kryerjen e punëve ditore të Komunave të Republikës së Kosovës.

Lidhur me këtë problem, Asociacioni i Komunave të Kosovës i ka dërguar disa kërkesa Ministrisë së Administrimit të Pushtetit Lokal, por pa ndonjë efekt pozitiv në këtë drejtim.

Sipas zyrtarëve komunalë, kjo po ndodhë kryesisht për shkak të problemeve apo ngarkesave në serverat që mirëmbahen webfaqet e komunave dhe të problemeve të natyrës së tillë, e të cilat janë tërësisht në nivelin qendror.

SuharekaOnline gjatë ditës së martë dhe asaj të mërkurë ka provuar disa herë të ketë qasje në wab faqen e Komunës së Suharekës, por një gjë e tillë ka qenë e pamundur pasi që faqja ka qenë jashtë funksionit.