Vodhi stoli ari në një shtëpi në Suharekë, pas më shumë se një muaji arrestohet nga policia i dyshuari

Një fenomen mjaft shqetësues për qytetarët e Kosovës janë bërë vjedhjet e shpeshta nëpër shtëpi, që po shkaktojnë ankth e pasiguri, një gjë e tillë nuk po ndodhë vetëm nhtëpitë pa përkujdesje, por edhe në ato të banuarat.

Një rast i vjedhjës është raportuar me datë 28 janar të këtij viti në Stacionin Policor në Suharekë, raporton SuharekaOnline.

Policia e Kosovës ka njoftuar se dje me datë 10 mars 2023, ka arritur të identifikoj dhe arrestoj personin i cili dyshohet se ka kryer vjedhjen me datë 28 janar 2023, ku sipas deklaratës së ankuesit i dyshuari atë kohë kishte depertura brenda shtëpisë së tij me forcë, ku edhe ka arritur të vjedhë stoli ari, vlera e të cilave nuk është bërë e ditur.

Për rastin në fjalë Policia e Kosovës në Suharekë ka bërë të ditur se është njoftuar edhe prokurori i shtetit, ku është intervistuar i dyshuari dhe më pastaj është dërguar në mbajtje.

SuharekaOnline ju rikujton se rasti në fjalë ka ndodhur rreth orës 19:00 në Suharekë më saktë në rrugën “Xhelal Kuqi”.