Në një video të Ushtrisë Çlirimtare të Kosovës të siguruar nga SuharekaOnline shihet “Garda e Nderit” e Brigadës 123 në fshatin Peqan.

Në këtë video paraqitet Komandant Milazim Kiqina duke i prirë “Gardës së Nderit” të Brigadës 123 të Zonës Operative të Pashtrikut.

Nga pamjet shihet se video është në fshatin Peqan saktësisht afër rrugës dytësore për te shkolla e fshatit.

Xhirimi është i datës 08 shkurt 1999 gjatë rivarrimit të dëshmorit Hamzi Bytyqi.

Kujtojmë se sot, bëhen 22 vite kur në altarin e lirisë ra heroikisht Komandant Milazim Kiqina, nga Baica e Drenasit së bashku me ushtarin e tij Enver Bytyqi nga Peqani.