Vazhdon rënia e numri të pensionistëve në Suharekë që marrin pension bazik të moshës

Agjencia e Statistikave të Kosovës (ASK) publikon Statistikat e Mirëqenies Sociale për muajin mars 2023.

Ky publikim ndër tjerash ofron të dhëna për numrin e përfituesve nga skema e pensioneve bazë të moshës.

Çfarë është pensioni bazik i moshës?

Pensioni bazik i moshës – pensioni minimal i rregullt mujor të paguar për të gjithë qytetarët e Republikës së Kosovës, që kanë mbushur moshën 65 vjeçare, pa marrë parasysh, a kanë qenë të punësuar apo jo dhe të cilët i plotësojnë kriteret e parapara me këtë ligj.

Pensioni bazik i moshës iu paguhet të gjithë personave që janë shtetas të përhershëm të Republikës së Kosovës, të cilët posedojnë dokumentet e identifikimit dhe të cilët kanë mbushur moshën 65 vjeçare.

Sipas të dhënave të ASK-së që ka siguruar SuharekaOnline bëhet e ditur se gjatë muajit mars 2023 në Komunën e Suharekës përfitues nga skema e pensioneve bazike kanë qenë 4.359 persona.

Duke analizuar të dhënat e ASK-së, figuron se në Komunën e Suharekës, numri i personave që përfitojnë nga skema e pensioneve bazike nga muaji janar deri në mars të këtij viti, ka shënuar rënie.