Sulmohet fizikisht një person në Suharekë, bëhet për spital

Sipas raportit të Policisë së Kosovës, bëhet e ditur se ankuesi mashkull kosovar ka raportuar se është sulmuar fizikisht nga dy të dyshuar të cilët i kanë shkaktuar lëndime të rënda trupore.

Rasti raportohet të ketë ndodhur dje te parku i dëshmorëve në Suharekë, rreth orës 21:50.

Po ashtu, Policia e Kosovës bënë të ditur se viktima është dërguar për tretman mjekësor në spitalin rajonal, ndërsa policia po e heton rastin.

“Parku i dëshmorëve, Suharekë. Ankuesi mashkull kosovar ka raportuar se është sulmuar fizikisht nga dy të dyshuar të cilët i kanë shkaktuar lëndime të rënda trupore. Viktima është dërguar për tretman mjekësor në spitalin rajonal. Policia po heton rastin”, thuhet në raportin e Policisë së Kosovës.