Suharekë, therret me thikë një zyrtar policor
13:35Sot, me datë 10 janar 2022, rreth orë 10:50 policia në Suharekë është informuar për një rast dhunë në familje në fshatin Samadraxhë- Suharekë. Intervenimi i policisë ishte i menjëhershëm, mirëpo në momentin që kanë arritur në shtëpinë ku zhvillohej dhuna në familje, i dyshimti nuk e ka respektuar urdhrin dhe ka sulmuar zyrtarët policor […]
lajm në zhvillim
Rastin e ka konfirmuar për SuharekaOnline komandanti i stacionit policor në Suharekë, Afrim Sylaj, i cili ka bërë të ditur se i dyshuari vazhdimisht ka bërë probleme dhe në rastin kur ka intervenuar policia ai ka sulmuar me thikë zyrtarin policor.
Ngjarja ka ndodhur në fshatin Samadraxhë të Suharekës.
Ndërsa për gjendjen e zyrtarit policor ai ka thënë se është jashtë rrezikut për jetë.
Siç mëson SuharekaOnline i dyshuari në fjalë në nëntor të vitit 2019 kishte sulmuar me kaçavidë një tjetër zyrtar policor duke i shkaktuar lëndime të lehta. Asokohe ai ishte arrestuar dhe dërguar në mbajtje.