Suharekë, shpallet fajtor për falsifikim të dokumenteve, dënohet me 400€ gjobë

Është aprovuar marrëveshja për pranimin e fajësisë mes Prokurorisë Themelore në Prizren dhe të akuzuarit M.K, i cili po akuzohet se ka kryer veprën penale ’’falsifikim i dokumenteve’’.

Suharekë, shpallet fajtor për falsifikim të dokumenteve, dënohet me 400€ gjobë

Këtë marrëveshje nuk e ka kundërshtuar prokurori Beqë Shala, i akuzuaruari M.K si dhe mbrojtësi i tij avokati Miftar Qelaj.

Prokurori Shala, i ftuar që të deklaroj rreth fakteve dhe provave të cilat e mbështesin aktakuzën ka deklaruar se “provat që i kemi pasur në dispozicion të përshkruara si në aktakuzë dhe të propozuara kanë qenë të njohura për mbrojtjen në momentin e negocimit të marrëveshjes për pranimin e fajësisë dhe i propozoj gjykatës që e njëjta të aprovohet’’.


Mbrojtësi i të pandehurit avokati Miftar Qelaj lidhur me këtë çështje ka deklaruar se “i pandehuri ka pranuar të negociojë marrëveshjen për pranimin e fajësisë në mënyrë vullnetare, pas konsultimeve dhe sqarimeve të mjaftueshme që kemi pasur, duke kërkuar që e njëjta të aprovohet në tërësi.

Pas aprovimit, i akuzuari është shpallur fajtor dhe gjyqtari Lavdim Bajraktari e ka dënuar me dënim me gjobë në shumën prej 400 euro si dhe dënimin plotësues konfiskimin e veturës “Opel Vectra’’ të tipit A201, targat e automjetit si dhe libreza e veturës, si sende me anë të cilave është kryer vepra penale.

Sipas aktakuzës, i pandehuri M.K, nga viti 2010 e në vazhdimësi deri më 13 gusht 2020, në Suharekë, me vetëdije, përpilon dokumentin e falsifikuar dhe të njëjtin e përdor si të vërtetë, ashtu që numrat e karroserisë së automjetit të tipit’’Opel Vectra’’ tipi A201, i ka manipuluar duke e inkorporuar numrin e karroserisë përmes saldimit, edhe pse ka qenë i vetëdijshëm se kjo gjë është e ndaluar dhe në kundërshtim me Ligjin për Automjete.

Tutje, i akuzuari këtë automjet e ka përdorur dhe tjetërsuar në persona tjerë, duke e ditur se është i falsifikuar.

Me këto veprime ka kryer veprën penale “falsifikim i dokumenteve” nga neni 390 paragrafi 1 i KPRK-së.

Lidhur me këtë rast, i akuzuari dhe prokurori kanë lidhur marrëveshje për pranimin e fajësisë, me të cilën janë dakorduar që në këmbim të pranimit të fajësisë i akuzuari të dënohet me dënim me gjobë në shumën nga 300 deri në 500 euro. /BetimipërDrejtësi

KOMENTE0

Leave a Reply

Your email address will not be published. Required fields are marked *

N'minuta
Suharekë, rruga e lagjes “Fan Noli” vërshohet nga mbeturinat, ankohen qytetarët
Suharekë, rruga e lagjes “Fan Noli” vërshohet nga mbeturinat, ankohen qytetarët
[FOTO] Vetura përplaset me ujkun në autostradën Prizren-Suharekë
[FOTO] Vetura përplaset me ujkun në autostradën Prizren-Suharekë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Ganimete Hoxha nga fshati Budakovë ka nevojë për ndihmën tuaj
Ganimete Hoxha nga fshati Budakovë ka nevojë për ndihmën tuaj
Suharekë, zjarrfikësit vazhdojnë të përballen me zjarre malore
Suharekë, zjarrfikësit vazhdojnë të përballen me zjarre malore
Ambient i pastër, “betonizohet” rruga në Zonën Industriale
Ambient i pastër, “betonizohet” rruga në Zonën Industriale
Zjarr mbi fshatin Sallagrazhdë
Zjarr mbi fshatin Sallagrazhdë
Kapen me marihuanë, arrestohen 4 të rinj në Suharekë
Kapen me marihuanë, arrestohen 4 të rinj në Suharekë
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, një person i lënduar rëndë
Aksident në autostradë në drejtimin Suharekë-Prizren, një person i lënduar rëndë