Suharekë, shënon rënie numri i familjeve të dëshmorëve dhe invalidëve të luftës të cilët përfitojnë nga shteti

Agjencia e Statistikave të Kosovës (ASK) publikon Statistikat e Mirëqenies Sociale për muajin dhjetor 2022.

Ky publikim ndër tjerash ofron të dhëna për numrin e përfituesve nga skema e pensioneve për familjet e dëshmorëve dhe invalidëve të luftës, raporton SuharekaOnline.

Sipas rezultateve të dala nga ky publikim rezulton se gjatë muajit dhjetor 2022, në Kosovë janë regjistruar 13.067 familje të cilat kanë përfituar nga skema e pensioneve për familjet e dëshmorëve dhe invalidëve të luftës.

Duke u bazuar në të dhënat e ASK-së rezulton se në Komunën e Suharekës përfitues nga kjo skemë për muajin dhjetor, 2022 janë regjistruar 546 familje, numër ky i njejtë me atë të muajit nëntor të po të njejtit vit.

Në janar të vitit 2022, në Komunën e Suharekës ishin regjistruar 561 familje të cilat kanë përfituar nga skema e pensioneve për familjet e dëshmorëve dhe invalidëve të luftës, numër ky i cili nga muaji në muaj ka shënuar rënie.