Sot në asnjë shkollë në Komunën e Suharekës nuk ka filluar të mbahet viti shkollor.

Kështu ka bërë të ditur për SuharekaOnline drejtori i Arsimit në Suharekë, Remzi Bajselmani.

Drejtori Bajselmani ka bërë të ditur se shkollat janë duke e respektuar vendimin e Sindikatës së Bashkuar të Arsimit, Shkencës dhe Kulturës (SBASHK) për greva.

“Nuk ka filluar në asnjë shkolle, është përkrahur greva”, ka thënë shkurtimisht ai.

Greva ka ardhur si pasojë e mos realizimit të kërkesave të SBASHK-ut nga Qeveria e Kosovës, në mesin e të cilave është edhe kërkesa për shtesën prej 100 euro deri në Ligjin për Paga. 

Ndërsa ministrja e Arsimit, Arbërie Nagavci të mërkurën u ka kërkuar mësimdhënësve që të ndërprejnë grevën.