Suharekë, mbi 600 persona me aftësi të kufizuara marrin asistencë sociale
Numri i familjeve me gjendje të rëndë ekonomike që marrin asistencë sociale nga buxheti i Kosovës është rreth 25 mijë e 679. Ndërsa, baza e politikave sociale në Kosovë përbëhet kryesisht nga skema e ndihmës sociale, skema e pensioneve, ku përfshihen pensionet e moshës dhe kontribut-dhënëse, pensionimet e parakohshme të disa ndërmarrjeve, beneficionet për veteranët […]
Numri i familjeve me gjendje të rëndë ekonomike që marrin asistencë sociale nga buxheti i Kosovës është rreth 25 mijë e 679.
Ndërsa, baza e politikave sociale në Kosovë përbëhet kryesisht nga skema e ndihmës sociale, skema e pensioneve, ku përfshihen pensionet e moshës dhe kontribut-dhënëse, pensionimet e parakohshme të disa ndërmarrjeve, beneficionet për veteranët e luftës, si dhe kategori tjera sociale.
Poashtu, këtu përfshihen edhe personat me aftësi të kufizuar, e që sipas të dhënave nga Agjencia e Statistikave në Kosovë, bëhet e ditur se në Komunën e Suharekës janë rreth 639 persona me aftësi të kufizuara.
Nga këta 639 persona të kësaj kategorie në Komunën e Suharekës, vetëm fëmijë nën moshën 18 vjeçare janë anëtarë të mbi 50 familjeve.
Në bazë të ASK-së, bëhet e ditur se në tre muajt e fundit të vitit 2020, numri i personave me aftësi të kufizuara është rritur duke e krahasuar me tre muajt e parë të po të njejtit vit, shkruan SuharekaOnline.
Ndërsa, numri i familjeve që kanë fëmijë me aftësi të kufizuar, e që janë nën moshën 18 vjeç, në tre muajt e fundit të 2020’ës, është diku rreth 59, e duke e krahasuar me tre muajt e parë po të njejtit vit është zvogëluar.
Në tabelën e mëposhtme mund t’a shihni numrin e personave me aftësi të kufizuar dhe familjeve që kanë fëmijë (-18 vjeç) me aftësi të kufizuara në Komunën e Suharekës.
Muaji | Nr. i personave me aftësi të kufizuara | Nr. i familjeve që kanë fëmijë me aftësi të kufizuara |
Janar | 519 | 62 |
Shkurt | 567 | 61 |
Mars | 555 | 64 |
Prill | 629 | 64 |
Maj | 629 | 62 |
Qershor | 626 | 62 |
Korrik | 612 | 62 |
Gusht | 619 | 61 |
Shtator | 608 | 61 |
Tetor | 629 | 59 |
Nëntor | 626 | 59 |
Dhjetor | 639 | 58 |