Suharekë, dënohen 500€ gjobë pasi pranuan se në bashkëkryerje e kanë rrahur vëllanë e tyre

Janë shpallur fajtor dhe janë dënuar me gjobë nga 250 euro (secili veç e veç), të akuzuarit B.Z dhe L.Z, të cilët po akuzohen se në korrik të këtij viti, në bashkëkryerje kanë rrahur vëllanë e  tyre, të dëmtuarin A.Z.

Suharekë, dënohen 500€ gjobë pasi pranuan se në bashkëkryerje e kanë rrahur vëllanë e tyre

Fillimisht, të akuzuarit B.Z dhe L.Z, e kanë pranuar fajësinë në shqyrtimin fillestar, të mbajtur të martën, në Gjykatën Themelore në Prizren, dega në Suharekë, raporton “Betimi për Drejtësi”.

Pas leximit të aktakuzës nga prokurorja Elfete Purova, i akuzuari B.Z, e pranoi fajësinë dhe premtoi se veprime të ngjashme nuk do të përsëriten nga ai.


“Ndihem fajtor dhe veprime të ngjashme nuk do të përsëriten më’’, u shpreh i akuzuari B.Z.

Njëlloj është deklaruar edhe i akzuzuari i dytë, L.Z, duke thënë “veprime të tilla nuk do të bëj më”.

Mbrojtësja e të akuzuarit B.Z, avokatja Nadire Hoxha, i ka propozuar gjyaktës që gjatë shqiptimit të dënimit të ketë parasysh që i mbrojturi i saj ka pranuar fajësinë qysh në polici, prokurori e tani edhe në gjykatë dhe i njëjti është penduar thellë.

Sipas saj, edhe i dëmtuari A.Z ka kërkuar që të akuzuarit të mos ndiqen penalisht dhe ka hequr dorë nga kërkesa pasuroro-juridike.

Në këto rrethana, gjyqtari Qemail Suka ka aprovuar pranimin e fajësisë dhe të akuzuarit i ka dënuar me dënim me gjobë në shumë prej 250 euro, secilin veç e veç.

Po ashtu, të akuzuarit janë obliguar që për ekspertizë mjeko- ligjore ta paguajnë shumën 10 euro, ndërsa në emër të kompensimit të vitkimave të krimit shumën prej 30 euro, secili veç e veç.

Sipas aktakuzës, B.Z dhe L.Z, më 24 korrik 2021, në fshatin Bllacë të Komunës së Suharekës, në oborrin e shtëpisë së tyre, me qëllim që t’i shkaktojnë lëndime trupore përsonit tjetër, në bashkëkryerje, e sulmojnë të dëmtuarin- vëllanë e tyre A.Z.

Pas një mosmarrëveshje paraprake mes tyre, i akuzari B.Z fillimisht e fyen dhe shanë të dëmtuarin, ndërsa i pandehuri L.Z e kapë të dëmtuarin me duar, e më pas e mban për qafe, ashtu që i akuzuari B.Z e grushton duke e goditur me grushte fytyrës dhe në pjesë të ndryshme të trupit, me ç’rast të njëjtit i shkakton lëndime trupore.

Me këto veprime, po akuzohen se në bashkëkryerje kanë kryer veprën penale “Lëndim i lehtë trupor” nga neni 185, paragrafi 1, nënparagrafi 1.4 lidhur me nenin 31 të Kodit Penal, ku kryesi dënohet me gjobë ose me burgim deri në tre vjet. /BetimipërDrejtësi

KOMENTE0

Leave a Reply

Your email address will not be published. Required fields are marked *

N'minuta
Suharekë, rruga e lagjes “Fan Noli” vërshohet nga mbeturinat, ankohen qytetarët
Suharekë, rruga e lagjes “Fan Noli” vërshohet nga mbeturinat, ankohen qytetarët
[FOTO] Vetura përplaset me ujkun në autostradën Prizren-Suharekë
[FOTO] Vetura përplaset me ujkun në autostradën Prizren-Suharekë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Ganimete Hoxha nga fshati Budakovë ka nevojë për ndihmën tuaj
Ganimete Hoxha nga fshati Budakovë ka nevojë për ndihmën tuaj
Suharekë, zjarrfikësit vazhdojnë të përballen me zjarre malore
Suharekë, zjarrfikësit vazhdojnë të përballen me zjarre malore
Ambient i pastër, “betonizohet” rruga në Zonën Industriale
Ambient i pastër, “betonizohet” rruga në Zonën Industriale
Zjarr mbi fshatin Sallagrazhdë
Zjarr mbi fshatin Sallagrazhdë
Kapen me marihuanë, arrestohen 4 të rinj në Suharekë
Kapen me marihuanë, arrestohen 4 të rinj në Suharekë
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, një person i lënduar rëndë
Aksident në autostradë në drejtimin Suharekë-Prizren, një person i lënduar rëndë