Këto të dhëna publikohen duke u bazuar në të dhëna administrative.

Sipas dispozitave ligjore mbi udhëheqjen e regjistrave themeltarë për lindjet, vdekjet, kurorëzimet dhe shkurorëzimet, rastet regjistrohen në mënyrë obligative në regjistrat e lartë-cekur, në vendin në të cilin ka ndodhur ngjarja, pa marrë parasysh se personat me të cilët lidhet ngjarja, vendbanimin e përhershëm e kanë në atë vend ose në ndonjë vend tjetër.

Sipas të dhënave të publikuara nga ASK gjatë muajit janar të këtij viti në Komunën e Suharekës janë regjistruar 76 lindje, prej tyre 6 nga vendi ku ka ndodhur lindje, prej tyre 3 femra dhe 3 meshkuj, kurse dhe 73 lindje nga vendi i përhershëm i nënës në komunë, prej të cilëve 40 femra dhe 33 meshkuj.

Ndërsa sa i përket numrit të vdekjeve, gjatë muajit janar në Komunën e Suharekës janë regjistruar 52 vdekje, 18 prej tyre nga vendi ku ka ndodhur vdekja, 10 meshkuj dhe 8 femra, kurse 34 vdekje nga vendi i banimit të përhershëm në komunë, prej tyre 20 meshkuj dhe 14 femra.

Sipas ASK-së gjatë muajit janar të këtij viti aktual në Komunën e Suharekës janë kryer 86 kurorëzime, ndërsa gjatë kësaj periudhe kohore janë kryer 4 shkurorëzime.