Suharekë: 19 gjoba për ndotësit e mjedisit gjatë muajve Mars-Korrik 2021
377 gjoba mandatore janë shqiptuar për ndotësit e mjedisit në pesë muajt e fundit, Mars-Korrik 2021. “Let’s Do It – Ta Pastrojmë Kosovën” thotë se ka vazhduar monitorimin e zbatimit të Udhëzimit Administrativ për Gjoba Mandatore nga inspektorët komunal mjedisor dhe qendror për shqiptimin e gjobave për ndotësit. Në Komunën e Suharekës për periudhën kohore […]
377 gjoba mandatore janë shqiptuar për ndotësit e mjedisit në pesë muajt e fundit, Mars-Korrik 2021.
“Let’s Do It – Ta Pastrojmë Kosovën” thotë se ka vazhduar monitorimin e zbatimit të Udhëzimit Administrativ për Gjoba Mandatore nga inspektorët komunal mjedisor dhe qendror për shqiptimin e gjobave për ndotësit.
Në Komunën e Suharekës për periudhën kohore Mars-Korrik janë shqiptuar 19 gjoba për ndotësit e ambientit.
Numri i Gjobave Mandatore të Udhëzimit Administrativ, nr. 06/2018 të shqiptuara për periudhën pesë mujore (Mars, Prill, Maj, Qershor dhe Korrik 2021) për ndotësit e mjedisit është gjithsej 377. Përveq Gjobave Mandatore disa nga komunat kanë dërguar fletëparaqitje për Gjykatë, Procese Verbale dhe Kërkesa për Gjykatë në kuadër të qështjeve mjedisore, si vijion:
Komuna e Lipjanit: 2 fletëparaqitje për Gjykatë.
Komuna e Rahovecit: 2 denime për kundërvajtje për krijimin e deponive ilegale.
Komuna e Prizrenit: 33 Procese Verbale, 17 Aktvendime, 1 kërkesë për Gjykatë.
Shpërndarja e gjobave është bërë si vijon:
Nr. | Komunat | Numri I Gjobave Mandatore |
1 | Prishtinë | 19 |
2 | Fushë Kosovë | Nuk kanë raportuar |
3 | Podujevë | 4 |
4 | Obiliq | 9 |
5 | Skenderaj | Nuk kanë raportuar |
6 | Vushtrri | Nuk kanë raportuar |
7 | Mitrovicë | 0 |
8 | Ferizaj | 186 |
9 | Gjilan | 8 |
10 | Viti | 5 |
11 | Kamenicë | 7 |
12 | Kacanik | Nuk kanë raportuar |
13 | Hani I Elezit | 0 |
14 | Prizren | 1 |
15 | Pejë | 38 |
16 | Gjakovë | 20 |
17 | Istog | 23 |
18 | Klinë | 7 |
19 | Rahovec | 6 |
20 | Decan | Nuk kanë raportuar |
21 | Junik | 0 |
22 | Shtime | 5 |
23 | Suharekë | 19 |
24 | Malishevë | 6 |
25 | Lipjan | 3 |
26 | Drenas | 11 |
Total | 377 |
Informata shtesë:
Inspektorja e mbrojtjes së Mjedisit nga Komuna e Ferizajit, Nazlime Sejdiu, tha se fluksi i madh i mërgimtarëve ka ndikuar që konsumi te rritet dhe me këtë të fundit të shtohet sasia e mbeturinave përderisa kapacitetet e kompanive të pastrimit janë të vogla. Ajo poashtu potencoi se nga java e ardhshme situata me problemet me mbeturinat do të stabilizohet.
Ndërsa sa i përket Komunave: Fushë Kosovë, Vushtrri, Kaçanik, Deçan dhe Skenderaj nuk kemi pasur raportime nga personat përgjegjës.
“Let’s Do It” ju njofton se monitorimi i zbatimit të Udhëzimit Administrativ për Gjoba Mandatore do të vazhdojë edhe gjatë muajve në vijim dhe falënderon inspektorët komunal të mjedisit për bashkëpunimin dhe gadishmërinë në ndarjen e të dhënave me qëllim që përmes raportimeve të Gjobave Mandatore të vetëdijësojë ndotësit në mënyrë që të krijohet një mjedis sa më i pastër në gjithë territorin e Kosovës.
Së bashku për një mjedis më të pastër!