Suharekë: 1 vit burgim dhe 300€ gjobë ndaj të akuzuarit që kishte vjedhur 4 bateri dhe 700 litra naftë në antenën e kompanisë “Vala”

  • 07.07.2021
Suharekë: 1 vit burgim dhe 300€ gjobë ndaj të akuzuarit që kishte vjedhur 4 bateri dhe 700 litra naftë në antenën e kompanisë “Vala”

Është shpallur fajtor dhe është dënuar me një vit burgim efektiv dhe me 300 euro gjobë i akuzuari D.R, i cili nga Prokuroria Themelore në Prizren po akuzohet se në fshatin Tërrnje të Komunës së Suharekës, në antenën e kompanisë “Vala” ka vjedhur katër bateri dhe 700 litra naftë.

Shpalljen e aktgjykimit e ka bërë gjykatësi Lavdim Bajraktari, pasi paraprakisht i akuzuari D.R ka pranuar fajësinë, raporton “Betimi për Drejtësi”.

“E pranoj fajësinë. Është hera e parë që kam rënë ndesh me ligjin. Kam qenë i ri në moshë dhe kam qenë viktimë e personave që kanë qenë në moshë të shtyer. I kërkoj falje gjykatës dhe jam në gjendje që ta kompensoj dëmin e shkaktuar. I propozoj gjykatës që të më shqiptoj një dënim sa më të butë, pasiqë kujdesem për familjen time”, ka deklaruar i akuzuari D.R.


Pranimin e fajësisë e ka mbështetur mbrojtësi i tij, avokati Fanol Krasniqi, të cilin pranim nuk e ka kundërshtuar prokurori Ramadan Koro.

Gjykatësi Bajraktari ka aprovuar pranimin e fajësisë, ku pas dhënies së fjalës përfundimtare nga ana e palëve, ai ka bërë shpalljen e aktgjykimit.

I akuzuari D.R është obliguar që në emër të shpenzimeve gjyqësore të paguaj shumën prej 50 euro.

Sipas aktakuzës së ngritur nga Prokuroria Themelore në Prizren, D.R po akuzohet se më 6 mars 2014 rreth orës 21:40, në fshatin Tërrnje të Komunës së Suharekës, me qëllim të përfitimit të kundërligjshëm për vete, vjedh në fshatin Tërrnje në repetitorin (antenën) e kompanisë së telefonisë “Vala”, në atë mënyrë që duke shfrytëzuar mos prezencën e të dëmtuarit, me forcë hap kontejnerin, hynë brenda, ku edhe merr katër bateri të kuadrit transmetues me kapacitet 10 ah 12 V si dhe 700 litra naftë dhe largohet nga vendi i ngjarjes.

Për këtë, ai akuzohet se ka kryer veprën penale “vjedhje e rëndë” nga neni 327 paragrafi 1, nën paragrafi 1.1 i KPRK-së. /BetimipërDrejtësi

N'minuta
Suharekë, rruga e lagjes “Fan Noli” vërshohet nga mbeturinat, ankohen qytetarët
Suharekë, rruga e lagjes “Fan Noli” vërshohet nga mbeturinat, ankohen qytetarët
[FOTO] Vetura përplaset me ujkun në autostradën Prizren-Suharekë
[FOTO] Vetura përplaset me ujkun në autostradën Prizren-Suharekë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Ganimete Hoxha nga fshati Budakovë ka nevojë për ndihmën tuaj
Ganimete Hoxha nga fshati Budakovë ka nevojë për ndihmën tuaj
Suharekë, zjarrfikësit vazhdojnë të përballen me zjarre malore
Suharekë, zjarrfikësit vazhdojnë të përballen me zjarre malore
Ambient i pastër, “betonizohet” rruga në Zonën Industriale
Ambient i pastër, “betonizohet” rruga në Zonën Industriale
Zjarr mbi fshatin Sallagrazhdë
Zjarr mbi fshatin Sallagrazhdë
Kapen me marihuanë, arrestohen 4 të rinj në Suharekë
Kapen me marihuanë, arrestohen 4 të rinj në Suharekë
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, një person i lënduar rëndë
Aksident në autostradë në drejtimin Suharekë-Prizren, një person i lënduar rëndë