Suharekasit vazhdojnë të mbajnë armë pa leje

Edhe në Komunën e Suharekës ka raste të tilla, ku konfiskohen armë të ndryshme për shkak të mos posedimit të lejes për armëmbajtje.

Numri i rasteve të armëmbajtjes pa leje dhe bastisjeve për kërkim të armëve janë prezente edhe në takimet e sigurisë lokale në Komunën e Suharekës, takime këto që udhëhiqen nga nënkryetarja e Komunës, Mihrije Suka dhe përfaqësuesit e KFOR-it dhe Policisë së Kosovës.

SuharekaOnline ka mbledhur statistikat për 11 muajt e fundit për armëmbajtjet pa leje dhe bastistjet në kërkim të armëve.

Sipas këtyre të dhënave bëhet e ditur se për 11 muaj në Komunën e Suharekës kanë qenë 8 raste të armëmbajtjes pa leje, 2 raste të paautorizuar të armës dhe janë kryer dy bastistje me qëllim të kërkimit të armëve të zjarrit.

Në muajin janar ka qenë një rast i armëmbajtjes pa leje, në shkurt një rast, në mars dy raste të tilla, ndërsa në muajin prill janë kryer dy bastisje në kërkim të armëve të zjarrit dhe në maj ka qenë një rast i armëmbajtjes pa leje.

Ndërsa, në muajin qershor dhe korrik nuk është raportuar asnjë rast i armëmbajtjes pa leje, në gusht një rast i posedimit të paautorizuar i armës dhe 1 rast i armëmbajtjes pa leje.

Kurse në muajin shtatorit është raportuar për dy raste të armëmbajtjes pa leje, në tetor asnjë rast i tillë dhe në nëntor një rast i mbajtjes në kontroll i paautorizuar i armës.