Suhareka në numra, mbi 180 lindje, 45 vdekje dhe 47 kurorëzime gjatë muajit korrik

Agjencia e Statistikës së Kosovës (ASK) ka publikuar të dhënat preliminare në baza mujore për Lindjet, Vdekjet, Kurorëzimet dhe Shkurorëzimet për muajin korrik 2021.

Sipas të dhënave të publikuara nga ASK gjatë muajit korrik të këtij vitit në Komunën e Suharekës janë regjistruar 185 lindje, prej tyre 4 (Vendi ku ka ndodhur lindja, 2 femra dhe 2 meshkuj) dhe 181 (Vendi i përhershëm i nënës në komunë) prej të cilëve 96 meshkuj dhe 85 femra.

Ndërsa sa i përket numrit të vdekjeve, gjatë muajit korrik në Komunën e Suharekës janë regjistruar 45 vdekje, prej tyre 15 (Vendi ku ka ndodhur vdekja, 9 meshkuj dhe 6 femra) dhe 30 (Vendi i banimit të përhershëm në komunë) prej të cilëve 19 meshku dhe 11 femra.

Sipas ASK-së gjatë muajit korrik 2021 në Komunën e Suharekës janë kryer 47 raste të kurorëzimeve, ndërsa gjatë kësaj periudhe kohore janë kryer 3 raste të shkurorëzimeve.