Suhareka në numra, 71 lindje, mbi 40 vdekje dhe 48 kurorëzime gjatë nëntorit të 2021’s

Sipas të dhënave të publikuara nga ASK gjatë muajit nëntor të vitit të kaluaar në Komunën e Suharekës janë regjistruar 71 lindje, prej tyre 4 (Vendi ku ka ndodhur lindja, 2 femra dhe 2 meshkuj) dhe 67 (Vendi i përhershëm i nënës në komunë) prej të cilëve 32 meshkuj dhe 35 femra.

Ndërsa sa i përket numrit të vdekjeve, gjatë muajit nëntor në Komunën e Suharekës janë regjistruar 45 vdekje, prej tyre 16 (Vendi ku ka ndodhur vdekja, 7 meshkuj dhe 9 femra) dhe 29 (Vendi i banimit të përhershëm në komunë) prej të cilëve 14 meshkuj dhe 15 femra.

Sipas ASK-së gjatë muaji nëntor të vitit 2021 në Komunën e Suharekës janë kryer 48 kurorëzime, ndërsa gjatë kësaj periudhe kohore janë kryer tre raste të shkurorëzimit.