Këto të dhëna publikohen duke u bazuar në të dhëna administrative.

Sipas dispozitave ligjore mbi udhëheqjen e regjistrave themeltarë për Lindjet, Vdekjet, Kurorëzimet dhe Shkurorëzimet, rastet regjistrohen në mënyrë të obligueshme në regjistrat e lartë-cekur, në vendin ku ka ndodhur ngjarja, pa marrë parasysh se personat me të cilët lidhet ngjarja, vendbanimin e përhershëm e kanë në atë vend, ose në ndonjë vend tjetër.

Sipas të dhënave të publikuara nga ASK gjatë muajit mars të këtij viti në Komunën e Suharekës janë regjistruar 65 lindje, prej tyre dy nga vendi ku ka ndodhur lindja (një mashkull dhe një femër), ndërsa 63 lindje nga vendi i përhershëm i nënës në komunë (34 meshkuj dhe 29 femra).

Komuna	Vendi ku ka ndodhur lindja	Meshkuj	Femra	Vendi i përhershëm i nënës në komunë	Meshkuj	Femra
Suharekë	2	1	1	63	34	29

Ndërkaq sa i përket numrit të vdekjeve, gjatë muajit mars në Komunën e Suharekës janë regjistruar 40 vdekje, prej tyre 12 nga vendi ku ka ndodhur vdekja (8 meshkuj dhe 4 femra) dhe 28 vdekje nga vendi i banimit të përhershëm në komunë (17 meshkuj dhe 11 femra).

Komuna	Vendi ku ka ndodhur vdekja	Meshkuj	Femra	Vendi i banimit të përhershëm në komunë	Meshkuj	Femra
Suharekë	12	8	4	28	17	11

Sipas ASK-së gjatë muajit mars të vitit 2022 në Komunën e Suharekës janë kryer 47 kurorëzime, ndërsa gjatë kësaj periudhe kohore është kryer një shkurorëzim.