Në takimin e rregullt javor për koordinim lokal të sigurisë, kryesuesja e takimit znj.Mihrije Suka, nënkryetare e Komunës së Suharekës ka folur për aktivitetet që janë zhvilluar në Komunë,kryesisht që kishin të bënin rreth përfundimit të realizimit të projekteve të planifikuara, pastaj për marrëveshjen e nënshkruar nga kryetari për mbeshtje për Shkollën teknike si dhe për takimet dhe vizitat tjera që ka mbajtur kryetari.

Ndërsa përgjendjën e sigurisë në Komunë ka raportuar Komandanti i Stacionit policor në Suharekë, kapiten Milazim Lumi.

Ai pasi e ka vlerësuar të qetë dhe stabile gjendjën e sigurisë në Komunë, më pas ka numruar rastet që gjatë një jave kanë ndodhur si: 1 aksident trafiku, 4 raste të raportuara vjedhjëve, 3 raste te demtimit të pronës, 1 pengim i personit zyrtar, 2 raste lëndim trupor, 1 rast shqetësim dhe 1 rast tentim vrasje.