Shpallet konkursi për zëvendës drejtor të QKMF-Suharekë

Drejtoria e Shëndetësisë dhe Mirëqenies Sociale në Suharekë me datë 8 shkurt 2022, ka hapur konkurs pune për zv.drejtor të QKMF-Suharekë.

“Duke u bazuar në nenin 67 të Ligjit për Zyrtarët Publik nr. 06/L-114 si dhe në bazë të vendimit të Kryetarit të Komunës së Suharekës nr.01-016-5333 të datës 25.01.2022 për lejimin e shpalljes së konkursit për vendet e lira të punës për nevojat e QKMF-së në Suharekë, Ligjit të Punës së Republikës së Kosovës nr.03/L-212, neni 5 i Udhëzimit Administrativ nr.07/2017 për Rregullimin e Procedurave të Konkursit në Sektorin Publik dhe në bazë të nenit 21 i Udhëzimit Administrativ Kujdesi Parësor Shëndetësor nr.04/2020, DSHMS në Suharekë publikon këtë konkurs për plotësimin e vendeve të lira të punës”, thuhet në njoftimin e DSHMS.

Sipas dokumentit të siguruar nga SuharekaOnline bëhet e ditur se orari i punës 40 orë në javë dhe se koeficienti do të jetë H-6, H-850.

Po ashtu, bëhet e ditur se kohëzgjatja e kontratës është me afat të pacaktuar sipas Ligjit të Punës nr.03/L-212.

Afati për paraqitjen e aplikacioneve është 15 ditë nga 09.02.2022 deri më 23.02.2022.

Detyrat kryesore të punës:
– Siguron Ligjshmërinë dhe punën profesionale në QKMF e cila duhet të udhëhiqet në pajtim me ligjet e aplikeshme në Republikën e Kosovës dhe dispozitat e Statutit të QKMF-së;
– Është përgjegjës për përkujdesjen efektive të Shëndetësisë parësore për të gjithë banorët e Komunës së Suharekës;
– Në pajtim me Politikën shëndetësore, Ligjin për Shëndetësi në Kosovë dhe Strategjinë e Kujdesit parësor shëndetësor i propozon Drejtorit të Drejtorisë së Shëndetësisë planin e punës dhe buxhetin e QKMF-së për vitin vijues;
– Kujdeset për zbatimin e planit të burimeve njerëzore;
– Kujdeset për udhëheqjen e përditshme të procesit të punës;
– Kujdeset për zhvillimin e vazhdueshëm profesional të personelit të QKMF-së;
– Kontribuon në zhvillimin e sistemit të informimit shëndetësor të QKMF-së;
– Ushtron të drejta dhe autorizime dhe mban përgjegjësi të tjera në përputhje me dispozitat ligjore dhe aktet tjera që kanë të bëjnë me implementimin e Mjekësisë Familjare;
– Kryen edhe punë të cilat i cakton drejtori i QKMF-së dhe në mungesë të drejtorit ka të gjitha autorizimet e drejtorit të QKMF-së;
– Ka për obligim bashkëpunimin e ngushtë me zyrën e personelit dhe stafin udhëheqës në kuadër sektorit të Administratës së QKMF-së;
– Merr pjesë në realizimin maksimal të shpenzimeve të buxhetit në shëndetësinë primare, duke u bazuar në prioritete dhe nevoja;
– Bashkëpunon në koordinim dhe udhëheqjen me ekipin për punë nga shefat e sektoreve, njësive dhe për përgjegësitë e shërbimeve dhe përkrahë punën ekipore;
– Kryen edhe punë tjera sipas urdhëresës së drejtorit të QKMF-së, para të cilit është përgjegjës. Në mungesë të drejtorit të QKMF-së, merr të gjitha obligimet dhe përgjegjësitë në lidhje me mbarëvajtjen e punës në Qendrën kryesore të Mjekësisë Familjare në Suharekë.