Agjencia e Statistikave të Kosovës (ASK) publikon Statistikat e Mirëqenies Sociale për muajin janar 2023.

Ky publikim ofron të dhëna për numrin e përfituesve të pensioneve kontributpaguese, raporton SuharekaOnline.

Sipas të dhënave të ASK-së bëhet e ditur se nga skema e pensioneve kontributpaguese të moshës janë 46.467 përfitues.

Ndërsa, nga po e njëjta skemë sipas ASK-së figuron se në Komunën e Suharekës gjatë muajit janar, 2023, janë regjistruar 1.238 përfitues.

Duke e krahasuar këtë numër me atë të muajit janar 2022, rezulton se numri i përfituesve nga kjo skemë ka shënuar rënie.

Rikujtojmë se numri i përfituesve nga skema e pensioneve kontributpaguese të moshës në janar 2022, ka qenë 1.253.

Muaji/Viti
Janar/2022	Numri i përfituesve nga skema e pensioneve kontributpaguese të moshës në Komunën e Suharekës	1.253
Janar/2023	Numri i përfituesve nga skema e pensioneve kontributpaguese të moshës në Komunën e Suharekës	1.238

Pension kontribut pagues i moshës – është pensioni i rregullt mujor për qytetarët e punësuar në
Republikës e Kosovës, të cilët i kanë paguar kontributet, në ish-Fondin Pensional të Kosovës para datës
01.01.1999.

Shuma e pensionit kontribut pagues të moshës nga muaji janar 2016 ka pësuar ndryshime ku pensionet
paguhen sipas kategorizimeve në bazë të nivelit të shkollimit si në vijim :
1. Kategoria e parë-pensionist i pa arsimuar ose me arsim fillor – shuma e pensionit është 182 euro;
2. Kategoria e dytë – pensionist me arsim të mesëm- shuma e pensionit është 198 euro;
3. Kategoria e tretë –pensionist me arsim të lartë – shuma e pensionit është 214 euro;
4. Kategoria e katër –pensionist me arsim universitar- shuma e pensionit është 265 euro.